|
|
عــاجـز وعــاجـز
| اللــي غــريب انّــا بـيـوم اجــتمعـنا | شــــي طبيعــي نختلـف ونـتـفارق | |
| يـا لـلأســف ورا الــشــعور انــدفعــنا | أغــراب لـو ذابـت جميع الفوارق | |
| وتــموت كلمـة شــوق وتعـيش معنــا | تطيـح شمـس وغصـن الايام وارق | |
| نتــبــع ســرابٍ ضـــــاع منــا وضعنــا | مـــــالاح بعيــوني للآمــال بـــــارق | |
| بَــعد الأمــاني بالجــراح اقتـــــنعنــا | البـــــــعد راحتنـا لو البعــد حـــارق | |
| عـاجز وعـاحز كيــف بــس اجتمـعنا | ما تسعــف الغرقان صيحات غـارق |
بكا السحاب
| دمع السما جرّح خـدود الليالي | بكا السحـاب فراق الاحباب لا عاد | |
| واخذ يعـزيني شــعورٍ بقالي | والحـزن كحّل ناظر الوقت بحداد | |
| قسوة عذابه فوق كـل احتمالي | البعد موت اللي على الوصل معتاد | |
| كل الوجيه تذوب في وجه غالي | البعـد موت الـود لـو بعده وداد | |
| واحلم ولو بعض الأماني تسالي | ابنـتظر في موطن الحـزن ميعاد | |
| مايدري انـه في خيـالي خيالي | عمري معه ماضاع عمري معه زاد | |
| نبض الحياة الحب روح الليالي | ماللهوى عندي نهــايــه وميلاد |
